අවසරද දකින්නට ඔබ දුන්න හීනය................

මදක් නින්දෙන් ඇහැරුනද දැනුන සනීපයට මා තව තවත් ඔහුට තුරුලු වී නිදි සේම උන්නෙමි. කුමක් හෝ කල්පනාවක නිමග්නව ඔහු මා කන සීරුවෙන් පිරිමදිමින් සිටියේය. දැනුන සනීපය නිසාවෙන්ම හොරෙන්වත් දෑස හැර ඔහු කල්පනාවකදැයි බැලීමටවත් සිත් නොවීය. සීරුවට මා කන පිරිමැදි ඔහුගේ ඇඟිළි තුඩු හිටි වනම නතර විය. මා හොරෙන් දෑස් විවර කලෙමි.

"හොර කෙල්ල........ හැමදාම ඔය හොර වැඩේ කරනවා නේද දැන්........."

මාගේ කන නොරිදෙන්නට පරිස්සමට මදක් මිරිකමින් ඔහු ඇසුවේ තරහකින් නොවන බව මා දනී.

"නිදිමතයි තාම.......... " සිහින් හඩින් නිදිමත කෙදිරිල්ලක් ඔහු හමුවේ තැබූ මා තව තවත් ඔහුගේ පපුව මත හැඩ ගැසුනෙමි.

ඔහු නැවතත් දකුණතින් සීරුවෙන් තුරුල් කර ගත් මාගේ හිස ඔහුගේ වමතින් සෙමෙන් පිරි මදින්නට විය.

මා තව තවත් ඔහුගේ සිරුරට බරවිමී. ඔහුගේ කල්පනාව මා කල දඟ වැඩෙන් බිදුනේදැයි දැන ගැනීමේ අටියෙන් මදක් හිස ඔසවා ඔහුගේ මුහුණ දෙස බැලීමි. මා දුටුවේ මා දෙසම බලා සිටින ඔහුගේ මුවයි. මා සිහින් සිනාවක් මුව පුරා පෑවෙමි.

"දැන් නිදිමත ගියාද ඉතින් ඔය පොඩි දෝණිගේ.........."

මා නැතැයි කීමට හිස දෙපසට සන් කළෙමි. ඔහු හා හුරතල් වන විට මා හට පොඩි දොණි හෝ මගේ පැටියා යන නම් වලින් මා ඇමතුවේය.

එවදන් වල වූ ආදරයට මා කවදත් පෙම් කළෙමි. ඔහු කොට්ටය මදක් කෙලින් කර ඇද විට්ටමට යන්තමින් හේත්තු විය. තවමත් නිදි මත දෑසින් ඔහුගේ පපුවට ගුලිවී හුන් මා ඔහුගේ පපුව මත මාගේ දෑත තබා එය මත මා හිස ඔහු දෙසට වන ලෙස තබා ගත්තෙමි.

ඔහුගේ ඇඟිළි තුඩු තවමත් ලතාවකට මා හිසකේ පුරා දඟ කරන්නට විය. සනීපයට ඇස් පිය වනු දෙතුන් වරක්ම දැනුනි.

"තාම නිදි මගේ නේද පැටියා.........."

"තව ටිකක් දොයි බබා එහෙනම්......." මා හිස ඔහුගේ පපුවට තුරුලු කර ගනිමින් පැවසීය.

"සනීපයි තාත්තියෝ........." මා ඔහුගේ පපුවේ කිහිප පොලක් සිප ගනිමින්ම කීවෙමි.

මෙතරම් උතුරණ ආරයක පහස විඳින්නට මා පෙරුම් පිරුවෙමි. එය සැබෑ කරමින් අහඹුවකින් ඔහුගේ ආදරය මට හිමි විය. ඔහු කියන්නාසේම මා මේ ලොව වාසනාවන්තම පෙම්වතිය විය. දැන් මා ඔහුගේ බිරිඳය. මෙලොව සිටිනා වාසනාවන්තම බිරිඳය........... එහි කිසිදු මුසාවක් නොමැති බව මා ඔහු හා ගෙවන මා හට පරිපූර්ණ වූ දිවිය සහතික වනු ඇත.

මද වේලාවක් හිස අත ගෑ ඔහු ඉන්පසු මා මුහුණ පුරා සීරැවෙන් ඔහුගේ දබරඟිල්ල ගෙන යනු කල්පනා ලොව සරමින් උන් මට දැනුනි. සනීපයට නිදන්නට මිස වෙන කුමක් නම් කරන්නට කියා මා සිතුවෙමි.

"කල්පනා කරනවා නේද බොරුවට ඇස් පියන්........." ඔහුගේ කට හඬින් මා සෙමෙන් දෑස විවර කලෙමි.

"නෑ මේ නින්ද යනවා සනීපෙට තාත්තියෝ........." මා නැවතත් හොරට ඇස් පියා ගන්නට තැත් කරමින්ම කීවෙමි.

මා දෑස පියාගන්නට පළමුව ඔහුගේ දෑසට මා දෑස අල්වා ගැනීමට ඔහු සමත් විය. ආදරයෙන් පිරි දෑස මඟ හැරීමට මට කිසි විටකත් නොහැකි බව මා එදා සිටම දැන උන්නෙමි.

නිමක් නැතුවම ඔහුගේ දෑස මා හා දොඩමළු වන්නට විය. එහි වූ ආදරය සෙනෙහස මා සිතට දැනෙන්නට වචනයෙන් කීමට ඇවැසි නොවීය.

"මං ආදරෙයි මගේ පණටත් වඩා මගේ රත්තරනේ........වචනයෙන් කියන්න බැරි තරම්ම........." ඔහුගේ ළය මත උන් මා මුහුණ පුරා හාදු තවරමින්ම ඔහු පැවසීය. ඔහුගේ උතුරන ආදරයෙන් මුසපත් වීමට මා හට කාලයක් ඇවැසි නොවීය...............

උදෑසන හිරු දකින

මල් කුමරි මමයි ඔබේ.......

මගේ ලොව හිරු ඔබය

පිනා යන මල් කුමරි මා........

සාර වූ ඔබ ළයෙහි මා

පිපෙන්නට වරම් ලද්දෙමි.........

ඔබේ සිත්හි උතුරනා වූ

ආදර රැසින් නැහැ වී පිබිදෙමි.......

විකසිතව ඔබ ළඟින් හිදිමින්

ඔබ ළයෙහි මා පිපී නැළවෙමි........

සසර පුරා ඔබ ළයේ පිබිදෙන්න

වරම් අයදිමි හිමියනේ මා.........

ඉතින්......

අවසරද මට......

සසර පුරා ඔබ ළයෙහි රැඳුමට.............????

සැ. යු :- හිත අද්දර මවන්නට ඇරයුම් ලද පාට පාට සිහිනයකි........... (මෙහෙම කිව්වට ඉතින් ලෝකෙම නැති ඒවා හිතා ගන්නවා නෙමෙයි ඔන්න..........)


හැමදාම මට වැලන්ටයින් නිසා අමුතු ටයිම් ඕනි නෑ........ :D ආයේ මොටද වෙනම දවස් ඇහුවලු...... හික්ස්...... :P
අද ඉස්පෙසල් සමරන අයට හැපි වැලන්ටයින් කිව්වා ඔන්න.......... :D :D :D :D අතින් කයිට් වෙන අයටත් හැපිම වේවා........ හික්ස්...... :P