මොන්ටිසෝරි වැඩ...........

අපේ කෙහෙල් කොටුවේ චූටි මහත්තයා කීවනේ එදා (එදා කීවට මහ ලොකු දවසක් නැ ගිය සිකුරාදාවේ) පොරොන්දු ඉටු කරන එක හොඳ වැඩක් කියලා. මේන් ඉතින් අවසන් පොරොන්දුව තමා. වෙන කාටවත් නෙමේ මේ මකර අධිරාජ්‍යය අයියට අයියගේ අයියා ඇදපු රට හාවා පෙන්නපු වෙලේ කටින් පැනපු වචන ආ නැ නැ අතින් ලියවුනු වචන ටිකක් හන්ද ඉටුකරන්න යෙදුනු කාරණාවක්. (කාරණාව ඉටු කොරේ නැත්නම් මාව දවා අලු කරයි. එතකොට මගේ අහිංසක හාවා පවු නොවැ. ඒ නිසා මේ ඉතින් ඉටුකරනවා.)

උඩ මාතෘකාව දැක්කනේ. වැඩකට නැති දෙයක් තමා. (කවුද අර හාවි කවද්ද වැදගත් ඒවා ලිව්වේ කියලා අහපු පණ්ඩිතයා..... )මේකත් රට හාවා අඳිනවා වගේම සොන්ටිමෝරි වැඩක්. ඒනිසා ඉතින් ඔන්න බලලා මටයි හා පරම්පරාවටයි බැන බැන යනවා එහෙම නෙමෙයි.

දැන් ඉතින් කියන්න දෙයක් නැ. අද හා චීචගේ මොන්ටිසෝරියට ආපු අය ඉඳගමු බලන්න........ සූටි බබාලට (මරු සූටි තමා කමක්නැ මෙහෙම කියමුකෝ.... ) අද රට හාවා අඳිනවා වගේම කියලා දෙනවා "ල" යන්නෙන් මාව්වෙක් අඳින හැටි.

කාවද අපි අද අඳින්නේ.............?????

අන්න හොඳ ළමයි. (එකෙක් කට හෙල්ලුවේ නැ. ශික් විතරක්)

ඔන්න ඉතින් පින්තූර එකින් එක බලන් යන්න තමා තියෙන්නේ. (කුරුමිණි අඩු හා හකුරු වලට ආසන්න අකුරු ඇත්තියක් වන මම යන්තම් ගැටගහලා ලොකුවට ලියාගත්තු අකුරු ටිකට මුකුත් කියනවා එහෙම නෙමෙයි ඔන්න.)



මාගේ ලාලිත්‍යෙයන් පිරි මුතුකැට වන් අකුරින් ලියූ "ල" යන්න දැන් පහත පරිදි මාළුවෙකු බවට හැරවිය හැක.



ඔය සැකිලිලට දන්න පරිදි ඇස් කන් නාස ආ නැ නැ ඇස් කට වරල් දැමූ විට මාළුවා පහත පරිදි දිස් වෙනු ඇත........ හික්ස්........



චූටි බබාලට හරිනේ???? දැන් ඊළඟ වැඩේ නම් ටිකාකාකාකාක් විතර අමාරුයි. "ර" යන්නෙන් බල්ලෙක් අඳින්න තමා අපි හදන්නේ. හරිද......

හැමෝම ගනිමු බලන්න අළුත් කඩදාසියක්. (සොරි වෙන්න ඕනා ලොකුවට "ර" යන්නක් ලියා ගන්න නම් පුදුම විදියට අමාරු උනා. ඒ නිසා ඇහැක් හැටියට ඒ කිව්වේ "ර" යන්නක් හැටියට පුංචිවට ඒ කිව්වේ පුළුවන් උපරිමෙන් ලොකුවට ලිව්වා.)

පහලින් බබාලට බලන්න පුළුවන් "ර" යන්නයි බව්වා බබාගේ ඇට සැකිල්ලයි දෙකම. ඒක තමා පස්සේ අපි බව්වෙක් කරන්නේ. රට හාවා වගේම තමා ටිකක් විතර. හැබැයි ඉතින් මෙව්වා පොඩි අයට අඳින්න තමා හොඳ.



එතකොට ඔය සැකිල්ලට වලිගයක් හෙම දාලා ඇස් දාලා ගත්තම අතිවිශිෂ්ඨ විදියට පහත ආකාරයෙන් බලා ගන්න පුලුවන්. (හොඳ වෙලාවට හූ කිව්වට නෑහෙන්න මං කලින්ම කන් වල ඇඹ ගහන් ආවේ.... අනික ඉතින් ඇතුලට එද්දි කැරට් කංකුං උඳුපියළි ඇරෙන්න තක්කාලි බිත්තර හෙම ගේන්න තහනම් නිසා මං බේරුනා ඔන්න. :D :D)



එහෙනම් බබාලා අදට පාඩම ඉවරයි. "ත" යන්නේ අලියා අඳින්න මට මතක නැහැ. මාත් මේවා රූපපෙට්ටියේ කවුරු හරි අඳිනවා දැකලා මතක තියා ගතපුවා. මගේ නිර්මාණ නෙමෙයි. (එච්චර දෙයක් පුලුවන් නම් මං මෙහෙම ඉඳීයැ.) අනික් අර රවුම් වලින් අඳින ඒවා අඳින්න තරම් චිත්තර කරුම හැකියාවක් මට නැහැ. අපි ඉතින් වැස්ටර්න් කාරයෝනේ.;) ඇස් පෙනීම දුරුවල අය ඔව්වා මත කිලික් කරලා ලොකු කරලා බලා ගන්න.

සැ.යු :- මතක හැටියට තව දීපු එක පොරොන්දුවයි තියෙන්නේ මට. ඒකත් ලියන්න බලමු. (ඒ කෙනාට ඒක මතකද දන්නැ. මතක නම් ලියමු බලන්න මං දීපු පොරොන්දුව. {අමතක නම් ඉතින් මාත් මොකට ලියනවද....}) අදට ගියා. බැන බැන යන ගමන් බැනලා හරි කමක් නැ ඔය පල්ලෙහා කොටුවට ඔය කැරට් අලයක් දෙකක් දාගෙන යන්ට. :D :D